Nesta manhá celebrava-se no centro social La Fe 10 de Madrid a rolda de imprensa programada por Ceivar para informar sobre os próximos julgamentos de militantes independentistas galeg@s na ‘Audiencia Nacional’. Activistas de movimentos sociais e projectos de comunicaçom madrilenos fôrom o escolhido auditório dum acto do que se inibírom a totalidade dos meios convidados com a excepçom da agência oficial Europa Press. À rolda informativa, que recolhérom os meios alternativos locais, seguiu um interessante colóquio sobre a situaçom d@s pres@s independentistas galeg@s, os processos em curso e as características que adopta neste momento a repressom social e política no nosso País.
Graças à solidariedade dos movimentos sociais de Madrid, a delegaçom galega terá também acesso nos próximos dias a diversas entrevistas em meios de contrainformaçom local como Radio Almenara. Aliás, além de outras actividades que se irám programando nos próximos dias, militantes de Ceivar darám umha palestra amanhá 1 de Novembro a partir das 20:00 h. no centro social La Malaya situado no bairro de Lavapiés para explicar a dimensom dos processos políticos que na segunda-feira próxima se iniciarám no tribunal de excepçom.
Mais informaçom: http://www.ceivar.org
