O organismo anti-repressivo Ceivar organiza umha cadeia humana bo 24 de Julho com o intuito de "Colocar na agenda anual do Dia da Pátria a existência de independentistas galeg@s que cumprem condenas de prisom pola sua militáncia". A Cadeia Humana enquadra-se no objectivo permanente de vitalizar a denúncia da dispersom penitenciária e da tortura em todas as suas dimensons e, aliás, de exigir a liberdade para as e os presos políticos galegos.
Programaçom da mobilizaçom no 24 de Julho
O evento está programado para as 19h30 na Praça da Galiza de Compostela e consistirá na realizaçom de quatro cadeias humanas estáticas nos respectivos lados do quadrilátero. Ceivar distribuirá entre as pessoas assistentes cartazes individuais contra a dispersom, a tortura e a política repressiva do PsoE e em reivindicaçom da liberdade para independentistas galegos.
Assistência massiva
Do organismo anti-repressivo chamam a todas aquelas pessoas, colectivos e associaçons sensibilizados a respeito destas exigências democráticas básicas a assistirdes à mobilizaçom.
Mais informaçom em ceivar.org
