 | | Militantes e voluntári@s de Ceivar denunciam a repressom política. |
Mobilizar a indignaçom frente a sucessos como os ocorridos na prisom de Aranjuez no dia 14 na pessoa do preso independentista Sánti Vigo e assinalar a responsabilidade política do PSOE nos acontecimentos. Som os dous critérios guia que levárom a Mesa Nacional de Ceivar a chamar à mobilizaçom nesta sexta-feira 27 em várias comarcas do País. As concentraçons, além de umha resposta aos sucessos assinalados, prentendem ser um apelo a dizer “Avonda!” e um toque de atençom a umhas autoridades políticas permissivas com a vulneraçom dos mais elementares direitos humanos dos presos e presas políticas galegas.
A jornada de concentraçons simultanea-se com a decisom colectiva de Giana Gomes em Ávila, Ugio Caamanho em Puerto de Santa María I e José Manuel Sanches e o próprio Santi Vigo, ambos dispersados a Aranjuez, de fazer um jejum desde as 00:00 h. até as 24:00 h. desta sexta-feira para exigir a paralisaçom de quaisquer agressons e o cessamento da série de medidas repressivas denunciadas neste portal nos últimos meses. A iniciativa complementará-se com o envio de cartas explicativas da reivindicaçom às direcçons dos respectivos centros penitenciários.
Publicamos a seguir o programa desenhado polo organismo popular anti-repressivo para exigir ao PSOE e o Governo espanhol o respeito dos direitos humanos da presa e dos presos independentistas galegos:
CRUNHA
Concentraçom na Praça do Obelisco
20:30 h.
LUGO
Concentraçom ante a sede da ‘Subdelegación del Gobierno de España’
Praça de Armanhá
20:00 h.
OURENSE
Concentraçom ante a sede da ‘Subdelegación del Gobierno de España’
Parque de Sam Láçaro, 1
20:00 h.
FERROL
Difundirám-se informativamente nos próximos dias as agressons produzidas em Aranjuez.
COMPOSTELA
Concentraçom na Praça do Pam (‘Cervantes’)
20:00 h.
VIGO
Concentraçom na confluência das ruas Urzaiz e Príncipe (Barklays Bank)
20:00 h.
Instalará-se umha mesa informativa desde às 10:00 AM às 24:00 PM do dia 27.
|
